Cerpen Bahasa Bali | Gangsaran Tindak Kuwangan Daya

Sedeng jaen nyeriyep ngericas bayu. Ulian uahem uahem sing kodaag baan kiyape. Warung sedeng sepi. Mirib liyu anak engsap mebelanje.

Saget nyelegodog jeleme nakonin alamat. Kesiab baane. Ngenah care jeleme dangin tukad. Badeng gigis. Mebok bringket. Ngandong tas gunung. Ilang melaib kanti kiyape.

"Maaf Pak, paak.. Haloo... Oh tidur ya... Maaf mengganggu Pak. Saya numpang tanya. Warung Made di mana ya?" dingeh alus ia metakon.

"Wah saya belum pernah dengar nama itu. Alamatnya ada?" saut saye sambil micek micek mate.

"Katanya di Marlboro Pak. Ini khan jalan Marlboro ya?"

"Iya benar ini jalan Marlboro. Ah mungkin maksudnya Toko Adi Putra. Pemiliknya Pak Made. Orang-orang biasa nyebut Warung Made," saut saye asal nebak.

"Oh iya Pak, itu dia," lagas demen ia mesaut lantas ngelantur, "Di mana itu Pak?"

"Ada di depan SE Pak. Pas di depannya," saut saye sambil nuding nujuhin.

"Oh..makasi Pak.. Makasi..." lantas gebras nyerengseng ia megedi.

Di mukak warung, tepuk ia ngipekang montor beneng kaje. Laut ngajanang.

"Badaah..ajaan jeleme merengesan cai..bes mare tuding cang kelod.." memineh baane saye ajak jeleme bringket nto.

Sing kudang jahan, teke ia buin.

"Pak di depan SD tidak ada Warung itu," keto abedne.

"Noot ci cang tuni nyambat SE..tuding cang kelod.. Ci malik kaje... Beler keto ci nah.. Memolos belog caine dadi jeleme.." ngawag sube saye mesaut. Sing ngerti ia.

"Maaf Pak, Bapak bilang apa?"

"Oh tidak apa-apa. Balik sana lagi pak. Tanya orang-orang di SD sana. Mereka pasti tau. Mereka itu tamat SD semua," saut saye. Ngekoh sube ngencanin jeleme tuna. 😃